وسلامتك يا دماغي

وسلامتك يا دماغي المقال الثاني

نطلعه ؟! لا ما نطلعوش ؟!

هو ايه دا اللي نطلعه عيب يا استاذ....

يا ناس ماتفهمونيش غلط ... طب نخرجه ؟! لأ ما نخرجوش

شكلك كده قليل الادب يا استاذ وتقصد حاجات قبيحة

قلت ماتفهمونيش غلط يا اخوانا ... انا اقصد القانون

- شفت بقي مش قلنالك انك قليل الادب وتقصد حاجات قبيحة

- انا ؟!
- - القانون بالنسبه للحكومة دلوقت زي لا مؤاخذه كدا الحاجة القبيحة ..

لو طلعته علينا دلوقت من غير عقد شرعي تبقي عاوزة تغتصبنا ... لازم يكون في زواج يا استاذ واشهار وطبل وظيطة

- طب ماحصل جواز في 30 يونيو و 3 / 7 هو دا مش جواز برده

- لا يا استاذ مش جواز في 30 يونيو كانت الحكم في قضية الخلع اما 3 / 7 دي كانت خطوبة بس اهل العروسة والعريس كانوا 

مقتدرين شوية وعملوا حفله كبيره وعزموا فيها ناس كتيييييير حبتين ...

 قام العريس بعدها حب ياخد العروسة في الضلمة ودا من اثر الترامادول اللي بياخده ولما استعصت عليه ضرب لها

قزازتين بيره وسيجارتين حشيش وبلبع شريط صراصير وشريط ابو صليبة وحاول يغتصبها

- معني كدة انك مابتحبش العريس الجديد .. انت اكيد من اهل وعشيرة طليق العروسة .. انت خاين وعميل

- يا عم احنا لا خاينين ولاعملا ولا نزلنا اصلا مع اهل وعشيرة طليقها ..

 دا احنا حتي بنحب العريس الجديد مووووت ومناسبنا من زمااااااااااان وعمرنا ما نستغني عنه ...

بس لازم يعقد عليها وتكون في ورقة رسمي ممضي عليها من اتني شهود علي الاقل ويتعمل لها فرح جديد

- طب ايه رأيك في عيلة طليقها اللي هي كمان عاوزه تاخدها بالعافية

- اممممممممممممممممممممممممممممم ..... لا دول بقي تخرجه عليهم وماتفهمنيش غلط

- هو ايه قصدك القانون !

- لا طبعا الحاجات القبيحة
وسلامتك يا دماغي