ماهيش فارقة اموت دلوقت او بعدين ..يفوت شهرين .. يفوت سنتين .. ماهيش فارقة .. دي لحظة واحدة في الفرقة .. تساوي سنين .. تساوي انين .. تساوي عيون بتحتاجها .. تساوي رغبة بتطلبها .. تساوي فرحة من بابها .. ماهيش جاية يا اخ حزين ...
وترجع تاني تتمني .. تموت في التو ... تقوم الدنيا بيك تحلو .. يا شغل السو !!...
دا من ساعة وكان نفسي اموت في الحال ..اوام وبسرعة تتغير .. تتبدل الاحوال
واشوف اودامي احلامي عاملة بتحقق.. دغف .. حمار .. يا عين امك .. اشوفها واصدق
واتمني انا في لحظة .. اعيش شهرين .. بلاش سنتين .. كفاية يومين
احقق فيها احلامي واموت تاني .. الاقي الدنيا سمعاني .. وفكراني وبتعيشني من تاني
شاهدين ؟! شايفين ؟! سامعين ؟!
اتاري الدنيا بتطلّع ليّا في لسانها .. ورجعت في الكلام الحلو .. وبتشيلني احزانها
وبتفرج عليّا الخلق .. وبتقولي هاعيش عمرك .. ولا لحظة هاتتأخر ولا لحظة هاتتقدم .. ولازم اختبر صبرك ..
ياروح أمك..
ماهيش فارقة تموت امتي
ماهيش فارقة تعيش انت
لأنك مش اكيد عايش .. وما بتقدرش تتعايش ... مع غدر البشر حواليك .. وجوا عنيك .. بلاقي فيك حاجات حلوة ... تحب تحب في الخلوة .. مع الوحشة مع الحلوة .. ونفسك حلوة يا ابن الايه .. اقولك ايه .. واعيدلك ايه... من الاخر..
انا الدنيا وحبيتك..
وبدلّع عليك واتقل .. وبستني الحبيب يسأل ..
وعارفة اني ذليتك ..
اقوم وبسرعة اسقيلك .. من الفرحة يادوب سرسوب .. تعود وتوب .. صحيح حبوب ...
وترجع تاني تتلهف لأحضاني .. وتنسي القسوة في ثواني .. واعيد الكرّة من تاني ...
واسقيلك من المرار علقم .. وترجع بالقبور تحلم .. اكيد م الشر راح تسلم ..
دا انا الدنيا وغدارة .. ولو تسألني دي خسارة ... ولا أمارة ... عندي راح تموت امتي !!!!!!!
المشاركات
0 التعليقات:
إرسال تعليق