مصر العظمي مشهد كوميدي من وحي الخيال

مصر العظمي

مشهد كوميدي للكبار فقط ( مستوحي من الحقيقة فعلا ) نظرا لان الفريق السيسي يرفض الرد علي مكالمات الرئيس الامريكي ... ساعاتها شعرت بالعزة وكتبت هذا المشهد الذي شعرت معه ان مصر ام الدنيا وهاتبقي اد الدنيا فعلا ستصبح مصر العظمى

البيت الابيض : اوباما الرئيس الامريكي يرفع سماعة الهاتف
اوباما : هالو .. ( يرد الطرف الاخر مكتب الفريق السيسي وزير الدفاع المصري ) ممكن اتكلم مع جنرال سي سي ؟
مدير المكتب :سيادة الفريق اول اركان حرب سي سي مشغول دلوقت ممكن تكلمه في وقت تاني ( يغلق مدير المكتب الخط فورا )
اوباما : اوه شيت .. مسغول مسغول .. بكالي يومين بتصل بيه ويقولوا مسغول .. مسغول .. كرامة اليو اس ايه اتبعترت .. هو مس عايز يتكلم معايا ليه ؟... اتصل بيه تاني وامري لماي جض ( يرفع سماعة الهاتف ويطلب الرقم )
اوباما : هالو ...
عسكري السويتش :بلهجة قروية سلاموا عليكوووووووو .. مين معايا
اوباما : وعليكم السلام خبيبي .. انا اناانا خسين اوباما
العسكري : تشرفنا ومين بقي يطلع سي حسين اوباما ده
اوباما : انا اوباما رئيس اليو اس ايه بتاع البيت الابيض
العسكري : ايوه يعني بتشتغل ايه يعني ايه وظيفتك ايه ؟!
اوباما : اوه شيت ..
العسكري : شيت في عينك وعين اللي جابك .. بجولك بتشتغل ايه يا راجل انت ؟!
اوباما : بستغل يا سيدي رئيس كبير .. كبير قوي
العسكري : وايه يعني رئيس هي دي شغلانه ما احنا كل يوم نجدر نجيب ميت رئيس .. دي شغلانة اللي مالوش شغلانة عندينا .... اجولك نصيحة من عسكري غلبان .. شوفلك شغلانة شريفة .. اجولك تعالي افرش بنصبة شاي عندنا في ميدان التحرير وانا هاكلمك المعلم بريعة اللي ماسك الارضية يزقك جنب الرجالة اللي هناك .. ما تخافش انا ليا دلال عليه واهو نبقي عملنا حاجة لله
اوباما : مستر بريزدنت اوباما استغل سريح !!
العسكري : انا مش فاهم انت بترطن تجول ايه مش عجاباك الشغلانة .. دي بالواسطة .. وبيدفعوا فيها خلو رجل .. مش احسن ما تجعد عاطل وتجولي رئيس ثم انا مش عارف انت عاوز مين اصلا .
اوباما : يا خبيبي انا عاوز اكلم جنرال سي سي
( ينتفض العسكري من مكانه ويقوم بالتحية العسكرية )
العسكري : سيادة الفريق اول اركان حرب عبد الفتاح السيسي .. بقي انت عاوز تكلم سيادته وانت تطلع مين انت .. علشان تكلم سيادة الفريق ..
اوباما : انا الكبير بتاع البيت الابيض
العسكري : كبيير ؟! احنا مافيش حد يعمل كبير علينا .. كبير علي نفسك يا اخويا وكبير علي اللي مشغلينك .. ليك شوق في حاجة ؟! .. وبعدين سيادته مابيكلمش حد الا بمعاد سابج .. لأنه مش فاضي .. طلع في مناورة عسكرية كبيرة جوي مع قائد الجيش الروسي تحب ابلغه حاجة ؟
اوباما : اووه شيت راشا اجين راشا تاني ؟!
العسكري : وانا جيبت سيرة امك يا عم انت ؟ انا جلت رشا ؟
اوباما : اوووه بلييز ديير ممكن تبلغه اني اتصلت ؟
العسكري : حاضر يا سيدي .. جلتلي اسمك ايه ؟
اوباما : اوباما .. خسين اوباما ..
العسكري : حاضر يا سي ندامه انت ( يغلق الخط )
اوباما : ( يصرخ ) كيري .. كيري انت فين يا شيت shit ؟
( يدخل جون كيري وزير الخارجية مسرعا )
كيري : تمام يا ريس .. انا هنا وسمعت كل حاجة
اوباما : كنت بتتصنت عليا يا كيري انت بتلمع اوكر ؟
كيري : سياستنا في العالم كله يا ريس اننا نلمع اوكر مش جديدة علينا يا فندم
اوباما : وانت رأيك ايه في الجنرال سيسي وات وي كان دو ؟
كيري : غلب حماري مع الراجل ده .. ده طلع راضع من بز امه صحيح
اوباما : ايه دي( بز) امه يعني ايه ؟
كيري : يعني راضع من بريست breast الماما والشعب كله ماشي وراه
اوباما : اومال مش احنا كمان بنرضع من بريست الماما ؟!
كيري : للاسف مستر بريزدنت ( بز ) بتاع ماما امريكا غير (بز) بتاع ماما مصر
اوباما : اشمعني ايه الفرق ما دا بز بيطلع لبن ودا بز بيطلع لبن
كيري : نوو مستر بريزدنت ( بز ) مصري كبييييييييييير وبيطلع لبن حليب ...بيطلع رجالة
اوباما : وبز امريكي !؟
كيري : للاسف مستر بريزدنت بز امريكي بيطلع لبن بودرة وبز امريكي حصرم ومس بيطلع رجالة
اوباما : اومال بيطلع ايه ؟
كيري : قرووووووود زي حضرتك
اوباما : وات ؟
كيري : بيطلعنا كلنا قرود نتطنطط علي اكتاف العالم.....
اوباما : طب ممكن نعمل ايه مع راجل زي ده يا كيري
كيري : اتصل بيه تاني .. دار علينا الزمن وبقينا محتاجين له
اوباما : انت شايف كده
كيري: مافيش حل تاني .. قبل ما يتحالف مع اعدائنا الرووس .. خليك وراه مستر بريزدنت.. زن علي ودانه . ما باليد حيلة
اوباما : يا فرحتك يا بوتن يا ابن ام بوتن فيا ( يرفع سماعة الهاتف ويضعط الازرار )
اوباما : ( ينتظر الجرس و علي الناحية الاخري يجلس الفريق عبد الفتاح السيسي علي مكتبه و يدق جرس الهاتف فينظر الي رقم المتصل .. وتتغير ملامحه قبل ان يترك الجرس طويلا دون ان يرد )
سي سي : يوووووووه عاوز ايه تاني سي زفت ده مش خليت الولاد يطرقوه
( يرن الجرس مرة اخري........)
سي سي : ده ها يصدعني بقي ( يرفع سماعة الهاتف )
سي سي : ايوة يا اوباما .....
اوباما : اوووووه اخيرا مستر جنرال
سي سي : ازايك وازاي امك ؟
اوباما : كويسة خالص وبتسلم عليك كتيير ونفسها تبوسك
سي سي : (يضحك )هههههههه لا بلاش امك يا اوبا عشان اكيد شبهك .. شوف لنا ام الواد كلينتون
اوباما : هي كمان نفسها تبوسك .. والشعب الامريكي كله نفسه يبوسك يا جنرال
سي سي : ليه انشا الله فاتحها مبوسة ؟! هو في ايه ؟ ايه طقم الحنية والمراضية اللي انت داخل عليا بيه ده .. وبعدين انت مصدعني بقالك يومين ... مش عارفين نشوف شغلنا يا عم انت .
اوباما : انت حالق لي خالص يا جنرال من ساعة التفويض ومرمطت بكرامة باترسون الارض
سي سي : ايوة ليك شوق في حاجة
اوباما : مش القصد يا جنرال .. بس المصالح الامريكية والشعب الامريكي هنا هايخرب بيتي .. انا هاتفضح استر عليا يستر علي ولاياك
سي سي : يعني عاوز ايه
اوباما : ابوس ايدك يا جنرال ... اديني مرسي
سي سي : ده عندها
اوباما : عند مين ؟!
سي سي : عند امك ياض
اوباما : ومال امي ومال مرسي دي حتي ما بطيقوش
سي سي : اومال عاوز تبليني انا بيها ليه بسحنة اهلك ؟!
اوباما : ارجوك يا جنرال ماتحرجنيش اكتر من كدة .. الكونجرس كتبوني شيكات علي بياض علشان ارجع الفلوس اللي اخدها هو الشاطر .. ارجوك اديني مرسي وخدوا انتوا الشاطر
سي سي : اومال كنت عامل دكر وطالع تهدد وتندد .. مش تبص كده وتعرف انت بتكلم مين ؟
اوباما : عرفت يا جنرال والله وحرمت وانا بالنسبة للمعونة اعتبرها وصلت .
سي سي : ( مقاطعا ) لا المعونة دي خليهالك امسح بيها ....... واللا بلاش الشعب المصري مش محتاج لحد .. مش عاوز انت حاجة قول ما تتكسفش انا عارفك انك مزنوق اليومين دول .
اوباما : يعني لو يعرفوا يبعتوا لي 4 مليار دولار اللي دفعناهم للاخوان تبقي عملت معايا الصح
سيسي : استنى اشوفلك حساب 306306 وصل كام .. ( يخرج ورقة ) 200 مليار مفيش مشكلة نبعت لك 4 مليار بس هاتكتب بيها ايصالات امانة انت عارف ماحدش ضامن الموت من الحيا دي مش فلوسي دي فلوس مصر
اوباما : موافق
سيسي : وكمان هاتدفع فوايد عليهم 50 % في السنة
اوباما : موافق
سيسي : تكتب عقد بالاتفاق ده ..
اوباما : احنا كلمتنا عقد
سيسي : لا ماياكولش معاي الكلام ده قلتوه كتير لاخواتنا في كل الدول
اوباما : والله موافق علي اي حاجة بس المهم ما تفضحش
سيسي : طيب بص بدل ما لسه هابعت لك الفلوس من هنا وانت تروح تحولهم وتخسر فرق عمله انا هاديلك ال 4 مليا ر .. هاخلي المصريين في امريكا يعملولي تفويض بجزء من فروقات التحويل والفايدة في البنوك .. يسددولك 4 مليار دولار وكمان تبقي ترفع عنه الضرايب هناك انا عارفكم مفتريين
اوباما : تحت امرك يا جنرال
سيسي : وحيس كدة بقي ماتكلمنيس عن مرسي ولا عن اخوان لأن خلااص اللي بان بان
اوبامل : اومراك يا جنرال
سيسي : ياله غور في داهية وسلم لي علي الحاجة
سلاااااااااااااااااااااااام

تمت