تتجوزيني ( قصيدي بالعامية )

تتجوزيني 
اعتبرتني شخص مزعج ....
ويمكن كمان سخييييييييف .....
قلت لها .....تتجوزيني ؟!
ضحكت وقالت .... ياخفيف !!!!!
مع اني مش متجوزة ...
 لكن شايفاك .... كفيف..!
ما تبص وتدقق ....
في شكلي وتبحلق ....
 يا ابني انا بحلق .....
شنبي اللي .....مش خفيف......!!!!!!
قلت لها ... ماليش دعوة ....
 فـــــ هاجرك بعيش لوعة ...
 ولو هادعي انا دعوة .... 
هاتجيلك بالخفيف..... !!!!!!! 
ايوة هاتتجنني ... 
وتتسخطي وتسنني ....
 وتحبي وهاتحنني ....
 في بامبرز او كنيف !!!!!
م الاخر انا حذرتك ....
 و سبت اليسا واختارتك ....
 ولو نانسي تكون جارتك ....
 هاتقولك عليا لطيف!!!!!
قالت لي ....يا ابني انا غولة .....
وعنيا الشمال حولا .....
وايديا اليمين شولا !!!!
ومحتاجة كمان تنضيف !!!
ودماغي كمان قرعة ....
وحبة شعر انا زارعة ...
ومن جيشنا انا طالعة ....
برتبة... المدام عريف!!!!
ولو انت صحيح فاهم ...
 فيس بوكك أكيد واهم ...
 مهوش عارف ماهوش فاهم ...
 ان اللي بينا أكيد تخريف!!
قلت لها .. انا عارف ..
ورب العزة .. انا شايف ...
 وابدا ابدا مانيش خايف ....
 وعنيا مايدخلها الزيف !!!
ورب الكعبة انا شفتك ...
 بقلبي وروحي وعرفتك....
ومش معني انا سبتك ....
تفتكري ان شخص ضعيف !!!!
انا متابعك في حوارتك ...
وحتي اصحابي علي شاتك ...
 وفاهمك حتي عن ذاتك ....
وانا اغني من التعريف!!!
انا عارفك مش هترتاحي ...
 عشان ترضي ؟انام صاحي ...
ده حتي السهره صباحي ...
 أقولك... انت شخص مخيف
بخاف منه علي نفسي ....
واخاف لاياخدني من نفسي ...
وبحتاج له عشان نفسي .....
في بوسة بس مش تأليف!!!
اقولك روحي من وشي ...
 هاسيبك بس مش تمشي ...
 بحبك .. جيت علي وشي .....
 وبكتب بس للتخفيف
 قالت لي بجد انا حاسة ....
 وبيا وبيك انا حاسة ....
وعشان اهرب من الحاسة ... 
خرجت بسرعة زي الطيف 
ماهي الواحدة لو تكون عايزة ... 
ما هش ممكن تقول عايزة ...
وانا واخده في الهرب جايزة....
ومش عايزة لأانا عايزة ...
 حتي لو طلعت كفيف!!!!
وبقولها.... ومن تاني ...
قصيدتك ايوة عجباني ...
 وحتي لو مستفزاني ...
اسلوبها حلو خفيف
 ولا كان سخيف ولا كان مخيف ....
 بالراحة ع الفلب ده دا انا قلبي يا ابني ضعيف .....
 ياسر أبو العلا 13/11/2010 القاهرة